Thursday, September 24, 2009

ஓர் இனிய துவக்கம் ...


அன்பிற்கினிய வலைஉலக நண்பர்களே, உங்கள் அனைவருக்கும் எனது பணிவான முதற் வணக்கம்.

நானும் ஒரு பிளாக் ஆரம்பித்து அதில் என்னுடைய எண்ணங்களையும் கருத்துகளையும் உங்களுடன் பகிர்ந்து கொள்ள முடியும் என்ற என் கனவு இன்று நிஜமாகியது என்றால் அதற்கு முழு முதற் காரணம் உங்களை போன்ற சக பதிவர்களும், சுதந்திரமான சுய கட்டுப்பாட்டுடன் வளைய வரும் இந்த வலை உலகமும் தான் என்றால் அது மிகை அல்ல.

எப்படி ஒரு டாக்டர் சுயமாக ப்ராக்டிஸ் செய்வதற்கு முன் ஒரு ஹவுஸ் சர்ஜனாக தொழில் கற்றுக்கொள்கிராரோ, எப்படி ஒரு தமிழ் சினிமா டைரக்டர் பல ஆங்கில படங்களை பார்த்து தமிழில் ஒரு ஆக்க்ஷன் படம் பண்ண ஆரம்பிக்கிறாரோ (ஆரம்பிச்சிட்டான்டா), எப்படி ....வேணாம் இத்தோட உதாரணம் சொல்றத நிறுத்திக்கிறேன்... அதுபோல்தான் நானும் கடந்த 4-5 வருடங்களாக பல பிளாக்குகளை மேய்ந்து இன்று முதல் நாமும் சொந்த படம் எடுக்கலாம் என்று முடிவு செய்துள்ளேன்.

என் படங்கள் நிச்சயமாக ஒரு கமர்ஷியலான, கருத்துள்ள, ஜனரஞ்சனமானதாக (அப்பா இப்பவே கண்ண கட்டுதே ) இருக்கும் என்பதில் எனக்கு ஐயம்மில்லை. படத்தை அவ் அப்போது   பார்த்து நல்லா இருக்கு, இல்லைன்னு சொன்னீங்கனா அதுக்கு தகுந்த மாதிரி எண்ணை மாத்திக்கிறேன். 

Last but not the least -  என்னை எழுத தூண்டிய இட்லிவடை, பாமரன், டுபுக்கு, வால்பையன், bostonsriram, அவீங்க மற்றும் அனைத்து வலைஉலக நண்பர்களுக்கும் எனது நன்றியை தெரிவித்துக்கொள்கிறேன்.


வாழ்த்துங்கள் வளர்கிறேன்... வசவுங்கள் திருத்திக்கொள்கிறேன்...

- ஆதிமனிதன்


share on:facebook

5 comments:

sriram said...

யப்பா ஆதிமனிதா
வருக வெல்க.. Good luck ...
ஆமா டுபுக்கு, வால்பையன், இட்லி வடை மாதிரி ஜாம்பவான்களைப் பற்றி சொல்லிட்டு அவங்க கூட என்ன மாதிரி கத்துக்குட்டியைப் போய் சேத்துட்டியே?
சீட்டுக் கட்டில ACE, KING & Jack க்கு நடுவுல சீட்டு சேரலன்னா ஜோக்கர சொருகறா மாதிரி என்ன பெரியவங்க கூட சேத்திட்டியா??
When I was a kid (I am kid even now) people used to say that I am a Joker because I can mingle in any team.
என்றும் அன்புடன்
பாஸ்டன் ஸ்ரீராம்

அவிய்ங்க ராசா said...

கலக்கல் ஆரம்பம்..வாழ்த்துக்கள்…திரட்டிகளில் போஸ்ட் செய்ய ஆரம்பியுங்கள்..

jaisankar jaganathan said...

ஆதி மனிதன்னு சொல்றீங்க. துணி போட்டிருக்கீங்க(போட்டோல)

ஆதி மனிதன் said...

எனது வலைப்பதிவுக்கு வருகை தந்தமைக்கு உளமார்ந்த நன்றிகள்.

நன்றி திரு Bostonsriram, அவீங்க ராசா மற்றும் ஜெய்ஷங்கர் ...

ஆதி மனிதன் said...

//Jaisankar jaganathan said...
ஆதி மனிதன்னு சொல்றீங்க. துணி போட்டிருக்கீங்க(போட்டோல)//

ஹி ஹி ஹி ...வெக்கமா இருந்துச்சு அதான்.

Post a Comment